პარლამენტის იურიდიულ საკითხთა კომიტეტის თავმჯდომარე ეკა ბესელიამ „ქრონიკასთან“ საუბრის დროს განაცხადა, რომ ე.წ. ფაშისტური ჯგუფების საკითხზე შესწავლის პროცესი უკვე დაწყებულია.

„ვინც საკუთარი თავის იდენტიფიცირებას ახდენს იმ სიმბოლიკებთან ან იდეოლოგიასთან, რომელი კანონით არის აკრძალული, ეს აუცილებლად შეისწავლება. ყველა ნიშანსა და ატრიბუტს სჭირდება გამოკვლევა. ამაზე კომისია უკვე მუშაობს და იტყვის, არის თუ არა ეს შემთხვევა კანონდარღვევა“, - განაცხადა ბესელიამ.