„Black Sea Arena“-ზე ენიო მორიკონეს კონცერტი მიმდინარეობს. Check in Georgia-ს ფარგლებში, „Black Sea Arena“-ს 2018 წლის სეზონი იტალიელი კომპოზიტორის, ენიო მორიკონეს კონცერტით გაიხსნა.

სპეციალურად მსოფლიო დონის ვარსკვლავისთვის წინასწარ გაწერილი ტექნიკური მოთხოვნების მიხედვით სცენა, დეკორაციები და განათება მოეწყო. შემსრულებლებმა გენერალური რეპეტიცია დილით გაიარეს და როგორც ორგანიზატორები ამბობენ, იტალიელი კომპოზიტორი დარბაზის ტექნიკური მოწყობით კმაყოფილია.

ენიო მორიკონე კონცერტს საკუთარი მოღვაწეობის 60 წლის იუბილესადმი მიძღვნილი ტურნეს ფარგლებში მართავს.