საბერძნეთში ორგანიზებული ჯგუფების დაკავების ოპერაცია გრძელდება.

„Kathimerini“-ის ინფორმაციით, საქართველოს მოქალაქეებისგან შემდგარი ჯგუფი საბერძნეთის ცენტრალურ ნაწილში, ატიკას ოლქის რაიონებში საცხოვრებელი სახლების ძარცვით იყო დაკავებული.

მედიის ინფორმაციით, დაჯგუფების გამოვლენის ოპერაცია გრძელდება.

ამ ეტაპზე საქართველოს 10-ზე მეტი მოქალაქეა დაკავებული.

აპრილში საფრანგეთსა და საბერძნეთში სპეცოპერაცია „Caucase Normandie“ ჩატარდა, რომლის ფარგლებში 4 ქართველი ე.წ. კანონიერ ქურდი და ქართული კრიმინალური დაჯგუფების 34 წევრი დააკავეს.