პარლამენტის თავმჯდომარე ირაკლი კობახიძემ ტელეკომპანია „იმედის“ გადაცემაში „პირისპირ“ ნარკოპოლიტიკასთან დაკავშირებით საკუთარი პოზიცია დააფიქსირა.

„ნარკოპოლიტიკის ლეგალიზება სახიფათო ტერმინია... კონკრეტული პოზიცია ჩამოყალიბებულია მას შემდეგ, რაც საკონსტიტუციო სასამართლომ მიიღო თავისი გადაწყვეტილება. ჩემი დამოკიდებულება მდგომარეობს იმაში, რომ საჭიროა ამ სფეროს სათანადო რეგლამენტაცია, განსაკუთრებით მას შემდეგ, რაც ჩვენ მივიღეთ საკონსტიტუციო სასამართლოს ეს გადაწყვეტილება“, - განაცხადა ირაკლი კობახიძემ.