საპარლამენტო უმრავლესობის ერთ-ერთი ლიდერის, გიორგი ვოლსკის ინფორმაციით, „ქართულ ოცნებაში" საარჩევნო სიის ფორმირების პროცესი ჯერ კიდევ გრძელდება.

„14 მაისის ყრილობა სიის გამოქვეყნებას არ უკავშირდება. პარტიის სიასთან დაკავშირებით მუშაობა მიმდინარეობს როგორც არსებული დეპუტატების შეფასების თვალსაზრისით, ასევე ახალი სახეების შესაძლო წარმოჩინების თვალსაზრისით, მაგრამ ამას პირდაპირ ყრილობასთან ნუ დავაკავშირებთ", - განაცხადა ვოლსკიმ.