თბილისში, ხორავას ქუჩაზე მკვლელობის საქმის ერთ-ერთი მოწმის მამა, პროკურატურის ყოფილი თანამშრომელი მირზა სუბელიანი შინაგან საქმეთა სამინისტროში მივიდა.

სუბელიანმა შესვლამდე კომენტარი არ გააკეთა და მხოლოდ ის განაცხადა, რომ უწყებაში დაბარებულია.

სუბელიანი შსს-ში ადვოკატის გარეშე შევიდა.

ხორავას ქუჩაზე მოკლული დავით სარალიძის მამა ზაზა სარალიძე მირზა სუბელიანს დამნაშავეების მფარველობაში ადანაშაულებს.

მირზა სუბელიანი შინაგან საქმეთა სამინისტროში გამოკითხვაზე 1 ივნისსაც იმყოფებოდა.