მირზა სუბელიანი შინაგან საქმეთა სამინისტროში გამოკითხვაზე ისევ მივიდა.

ამ ეტაპზე სხვა დეტალები უცნობია.

მანამდე სუბელიანი შსს-ში დაკითხვაზე 7 ივნისს დაიბარეს და დაახლოებით დღის 14:00 საათისთვის მივიდა. მისი დაკითხვა გვიან ღამემდე გაგრძელდა.

შეგახსენებთ,  მირზა სუბელიანი ხორავას ქუჩაზე მომხდარი მკვლელობის საქმეში ერთ-ერთი მოწმის მამაა.

ხორავას ქუჩაზე მოკლული დავით სარალიძის მამა მირზა სუბელიანს დამნაშავეების მფარველობაში ადანაშაულებს.

იმ დროს სუბელიანი მთავარ პროკურატურაში ადამიანური რესურსების მართვისა და განვითარების დეპარტამენტში მუშაობდა. 2017 წლის 3 დეკემბერს სუბელიანმა პროკურატურაში თანამდებობა დატოვა და ვრცელი განცხადება გაავრცელა.