პარტია „ეროვნულების" ლიდერი სანდრო ბრეგაძე მიიჩნევს, რომ, თუ პარლამენტის თავმჯდომარე დავით უსუფაშვილმა ქორწინების შესახებ საკონსტიტუციო ცვლილებას მხარი არ დაუჭირა, ის უმრავლესობამ უნდა გადააყენოს.

„თუ პარლამენტის თავმჯდომარე უსუფაშვილი ხმას არ მისცემს კონსტიტუციაში ოჯახის, როგორც მამაკაცისა და ქალის ერთობის განსაზღვრებას, მაშინ ის უმრავლესობის მხრიდან გადაყენებულ უნდა იქნას თანამდებობიდან. წინააღმდეგ შემთხვევაში აღმოჩნდება, რომ ყველაფერი არის ბლეფი და არავის უნდოდა ამ შესწორების შეტანა. უბრალოდ, დრო გაწელეს. ამას კი არავის ვაპატიებთ!" - წერს ბრეგაძე.