სტეფანწმინდაში უბედური შემთხვევის შედეგად ორი ადამიანი, მათ შორის მცირეწლოვანი დაიღუპა, – ამის შესახებ პირველ არხს საგანგებო სიტუაციების მართვის სამსახურში განუცხადეს.

დაღუპულები სავარაუდოდ ინდოეთის მოქალაქეები არიან.

არსებული ინფორმაციით, მამა-შვილი კვადროციკლით გადაადგილდებოდა და გზის სავალი ნაწილიდან ხევში გადავარდა.

საგანგებო სიტუაციების მართვის სამსახურის ცნობით, ცხედრების ამოსაყვანად ადგილზე მუშაობდა სამი სამაშველო ჯგუფი.

როგორც პირველ არხს შინაგან საქმეთა სამინისტროში განუცხადეს, მომხდარზე გამოძიება სსკ-ის 276-ე მუხლის მეხუთე ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.