„თქვენ გსურთ, ნელ-ნელა დაასრულოთ ის, რაც ვერ მოამთავრა სააკაშვილის ხელისუფლებამ" - ასე მიმართა საქართველოს მეციერებათა აკადემიის წევრ-კორესპონდენტმა ნაპოლეონ ქარქაშაძემ განათლებისა და მეცნიერების საპარლამენტო კომიტეტის თავმჯდომარეს ივანე კიღურაძეს, რომელიც  „მეცნიერებათა ეროვნული აკადემიის შესახებ" კანონში შესატანი ცვლილებების ავტორია.

კანონში შესატანი ცვლილებების განხილვა მეცნიერებათა ეროვნულ აკადემიაში გაიმართა. აკადემიკოსთა უმრავლესობა ცვლილებებს ეწინააღმდეგება.

„თქვენ გსურთ, ნელ-ნელა დაასრულოთ ის, რაც ვერ მოამთავრა სააკაშვილის ხელისუფლებამ, არ გამოვა ასე, ასე არ უნდა მოქმედებდეთ, ვინაიდან ჩვენ ყველა საქართველოს შვილები ვართ", - მიმართა კანონპროექტის ავტორს ქარქაშაძემ.