„ხან ცოცხალ პანთეონს უწოდებენ აკადემიკოსებს, ხან რას გვეძახიან, ხან რას; შეაძულეს ხალხს აკადემია. რა დავაშავეთ, ვინმე სვამს ამ კითხვას?, - ამის შესახებ  საქართველოს მეცნიერებათა ეროვნულ აკადემიაში მეცნიერებათა ეროვნული აკადემიის წევრ-კორესპონდენტმა, ენათმეცნიერმა გუჩა კვარაცხელიამ „მეცნიერებათა ეროვნული აკადემიის შესახებ" კანონში შესატანი ცვლილებების პროექტის განხილვისას განაცხადა.

აკადემიკოსმა და მეცნიერთა აკადემიისა და აკადემიკოსთა მიმართ დამოკიდებულებაზე ისაუბრა:

„ჩვენი ანგარიშები წაიკითხონ, ჩვენი მუშაობა ნახონ  და მერე ილაპარაკონ ასე ადვილად, მერე გაიარონ, გამოიარონ, წავიდნენ და მერე წაგვარტყან თავში ხელი. ვირმა რა იცის, ხურმა რა ხილია... მათ წარმოდგენა არ აქვთ მეცნიერებაზე და იმიტომ ხდება ასე ..." - განაცხადა კვარაცხელიამ.