ნიდერლანდებში სენატორებმა საზოგადოებრივ ადგილებში ბურქისა და ნიქაბის ტარება აკრძალეს. ახალი კანონით სასწავლო დაწესებულებებში, საზოგადოებრივ ტრანსპორტში, სახელმწიფო ორგანოებსა და საავადმყოფოებში იკრძალება ისეთი სამოსის ტარება, რომელიც მთლიანად ფარავს სახესა და სხეულს ან მხოლოდ თვალებს აჩენს.

კანონპროექტს 75 დეპუტატიდან 44-მა დაუჭირა მხარი. მმართველ კოალიციაში შემავალი ოთხი პარტიიდან ბურქისა და ნიქაბის ტარების აკრძალვას მხარი სამმა პარტიამ დაუჭირა.

ნიდერლანდების მსგავსად ბურქისა და ნიქაბის ტარება აკრძალულია ავსტრიაში, ბელგიაში, დანიაში, საფრანგეთსა და გერმანიაში. საფრანგეთი 2011 წელს პირველი ევროპული ქვეყანა გახდა, რომელმაც მსგავსი რეგულაცია შემოიღო.

წყარო :