ხაშურში, სოფელ ახალსოფლის მიმდებარედ, ხელოვნურად დაგუბებულ წყალში ორი 12 წლის მოზარდის ცხედრის აღმოჩენასთან დაკავშირებით შინაგან საქმეთა სამინისტრომ გამოძიება დაიწყო.

როგორც „ინტერპრესნიუსს“ უწყებაში განუცხადეს, გამოძიება 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

საგანგებო სიტუაციების მართვის სამსახურის მაშველებმა სოფელ ახალსოფლის მიმდებარედ, ხელოვნურად დაგუბებულ წყალში, მოზარდების ცხედრები დღეს აღმოაჩინეს.

საგანგებო სიტუაციების მართვის სამსახურის ინფორმაციით, შეტყობინება სამსახურში მოქალაქის მიერ შევიდა, რომელმაც საგუბართან ველოსიპედები და ტანსაცმელი შენიშნა.