კულტურის მინისტრმა მიხეილ გიორგაძემ კულტურის სამინისტროში დღეს ბრიფინგი გამართა, სადაც განაცხადა, რომ მის წინააღმდეგ მიმართულმა კამპანიამ ყველა ზღვარს გადააჭარბა და შეურაცხმყოფელი ხასიათი მიიღო.

„არაერთხელ ყველა შეკითხვაზე, ყველანაირ ფორმატში მე ამომწურავი პასუხი მაქვს გაცემული. მიუხედავად ამისა, ამ საკითხებთან დაკავშირებით მითქმა-მოთქმა გრძელდება. იმისთვის, რომ ნათელი მოეფინოს ყველა ამ საკითხს, მე მინდა მოვუწოდო სახელმწიფო სტრუქტურებს, შეისწავლონ ყველა ეს საკითხი და წერტილი დაესვას ამ თემას", - განაცხადა მიხეილ გიორგაძემ.