მომღერალი რატი დურგლიშვილი ყოველთვის მიყვებოდა მოდის ტენდენციებს. როგორც ამბობს, მის გარდერობში 400 პერანგია. თუმცა ბოლო დროს თვლის, რომ „კოსმიური" სტილი აქვს და მისთვის მთავარი კომფორტია.

„ადამიანებს ჩაცმის სტილით ვაფასებ, მაგრამ ეს მთავარი არ არის. რაც უხდება, ის თუ აცვია, ჩემთვის პრობლემა არ არის. არ არსებობს, ჩემთვის ვინმე ჩაცმის, ფინანსური მდგომარეობის გამო მიუღებლად იქცეს. ამაზე მაღლა ზრდილობა და იუმორი დგას.

ჩაცმით ვიგებ, ესა თუ ის ადამიანი რა კატეგორიას მიეკუთვნება, ჩემიანია თუ არა, მაგრამ ვერავისზე ვიტყვი, რომ ჩემთვის მიუღებელია. ვიღაცეები ისე თავისუფლად განსჯიან, თუ როგორ უნდა იცხოვრონ სხვებმა და  რა ჩაიცვან, თითქოს თავიანთ ცხოვრებაზე ლაპარაკობენ", - ამბობს მომღერალი.

წყარო: „სარკე“