ეკონომისტი, პოლიტიკოსი გია მაისაშვილი რამდენიმე ხნის წინ სიმსივნით დაავადდა. ის მკურნალობის კურსს თურქეთში გადის. მაისაშვილი წერს, რომ მისი აზრით, თანამედროვე მედიცინა და ფარმაინდუსტრია მიმართულია არა ავადმყოფის გამოჯანმრთელებაზე, არამედ ავადმყოფობის გახანგრძლივებაზე. მისი თქმით, ნებისმიერი ავადმყოფობის დამარცხება დიდი ძალისხმევით და რწმენით შესაძლებელია. მან სიმსივნის დასამარცხებლად 40 დღიანი შიმშილობა დაიწყო.

„ამ პოსტს ვდებ სნეულებისგან შეჭირვებული ადამიანების გასამხნევლებად. ახლახან დავბრუნდი სტამბულიდან რადიაციისა და ქიმიო-თერაპიის მორიგი კურსიდანსადაც ბოლომდე დავრწმუნდი, რომ თანამედროვე მედიცინას ადეკვატური პასუხი არა აქვს. მათი და ფარმაინდუსტრიის ინტერესი არა ავადმყოფის განკურნვა, არამედ მათი ავადმყოფობის გაგრძელება და მათ ხარჯზე უზომოდ დიდი ფულის კეთებაა. მე ჩემი მეგობრებისა და ამ საქმეში პირადი გამოცდილების მქონე ადამიანების რჩევით დავიწყე მძიმე 40 დღიანი შიმშილობა მხოლოდ წყალზე. ადამიანის ორგანიზმი საოცარია მისი თვით განახლებისა და თვით განკურნების თვალსაზრისით. ასეთ რადიკალურ სიტუაციაში ორგანიზმი მოიხმარს ყველა მარაგს და ჯანსაღი უჯრედები ანადგურებენ სიმსივნურს, განსაკუთრებით კი ტვინში და ხდება განკურნვა-გაჯანსაღება. ოღონდ ეს ძნელია და მოითხოვს დიდ ნებისყოფასა და რწმენას. მე დიდი კრიზი დღეს ჩავათავე ანუ შიმშილობის მე-7 დღეს. როდესაც გული გერევა და თავის ტკივილი არაადამიანურად მძიმეა. მაგრამ თუ გადალახავ და გააგრძელებ 40 დღემდე, სარგებელი უზომოდ მაღალია. მე მჯერა და შინაგანი სიხარულის განცდა მაქვს, რომ ამით ვანადგურებ სიმსივნურ უჯრედებს. სიცოცხლე და რწმენა იზეიმებს ოღონდ ნებისყოფაა და სასოება საჭირო. გისურვებთ განკურნებას და გამარჯვებას, მე კი პერიოდულად მოგაწვდით ინფორმაციას, თუ როგორ განვითარდება მოვლენები. დრო ბევრი გვაქვს, წინ კიდევ 40 დღეა, ამ დროს ხდება არა მარტო ფიზიკური და მენტალური, არამედ დიდი სულიერი ტრანსფორმაციაც. მე ვაწარმოებ დეტალურ დღიურს ამ პროცესის დოკუმენტაციისათვის, რომ შემეძლოს სხვების დახმარება ჩემი პირადი მაგალითით" - წერს გია მაისაშვილი.