დღეს, 9 მაისს, ოზურგეთში ფაშიზმზე გამარჯვების 71-ე წლისთავი აღინიშნა. მეორე მსოფლიო ომში დაღუპულ გმირთა მემორიალი ადგილობრივი თვითმმართველობის წარმომადგენლებმა ყვავილებით შეამკეს. ოზურგეთის მუნიციპალიტეტის გამგებელმა მერაბ ჭანუყვაძემ და საკრებულოს თავმჯდომარემ, დავით დარჩიამ მუნიციპალიტეტში მცხოვრებ 12 ომის ვეტერანს საჩუქრად 200 ლარი გადასცეს. ვეტერანებმა საჩუქრები პრემიერ მინისტრ - გიორგი კვირიკაშვილისგანაც მიიღეს. თითოეულ მათგანს პირად ანგარიშზე 600 ლარი გადაერიცხა.

„ვეტერანებს ვულოცავ ფაშიზმზე გამარჯვების 71-ე წლისთავს. მათ წინაშე თითოეულ ჩვენთაგანს განსაკუთრებული ვალდებულება გვაკისრია. მინდა ჯანმრთელობა და დღეგრძელობა ვუსურვო,"- აღნიშნა ოზურგეთის მუნიციპალიტეტის გამგებელმა მერაბ ჭანუყვაძემ.