„მოსამართლეებთან დღევანდელმა შეხვედრამ იუსტიციის საბჭოს ყველა წევრი, მათ შორის მეც, დაგვარწმუნა ჩვენი გადაწყვეტილების სისწორეში", - განუცხადა „რეპორტიორს" თბილისის სააპელაციო სასამართლოს მოსამართლემ თამარ ალანიამ მამუკა ახვლედიანის გათავისუფლებასთან დაკავშირებით საუბრისას.

მისი თქმით, უზენაესი სასამართლოს თავმჯდომარესთან და იუსტიციის უმაღლესი საბჭოს მდივანთან შეხვედრაზე ნათლად წარმოჩინდა ის პრობლემები, რაც მოსამართლეებს აწუხებდათ.

„ძირითადი პრობლემები, რაზეც გამოითქვა მოსამართლეთა მხრიდან უკმაყოფილება, ეხებოდა საქმეთა განაწილების პრინციპის დარღვევას, ამის გარდა კომუნიკაციის არ არსებობა მოსამართლეებსა და ყოფილ თავმჯდომარეებს შორის", - აღნიშნა ალანიამ.