საქართველოს პრეზიდენტმა გიორგი მარგველაშვილმა საზოგადოებრივი მაუწყებლის ჟურნალისტი ქეთევან ქარდავა ღირსების ორდენით დააჯილდოვა.

„ნაყოფიერი და მაღალპროფესიონალური ჟურნალისტური საქმიანობისა და ქ. ბრიუსელში, ზავენტემის აეროპორტში მომხდარი ტერორისტული აქტის შესახებ ინფორმაციის მყისიერი გავრცელებისას გამოვლენილი პროფესიული თავდადებისთვის საქართველოს საზოგადოებრივი მაუწყებლის ჟურნალისტი ქეთევან ქარდავა დაჯილდოვდეს ღირსების ორდენით", - წერია საქართველოს პრეზიდენტის განკარგულებაში.

„მადლობა ჩემი შრომის დაფასებისთვის", - წერს FACEBOOK-ზე ჟურნალისტი და პრეზიდენტთან შეხვედრის ამსახველ ფოტოებს ავრცელებს.