„უფლებადამცველთა გაერთიანების" თავჯდომარემ  ნიკოლოზ მჟავანაძემ, „რეპორტიორის" პრესკლუბში გამართულ ბრიფინგზე, ბოტანიკური ბაღის საკითხთან დაკავშირებით ისაუბრა, არასამთავრობო ორგანიზაციების მიერ გამართული აქციები შეაფასა და მათ სამარცხვინო უწოდათ.    

„ბოტანიკური ბაღი, რაც არის ეხლა, ამ სტატუსით და მდგომარეობით ბიძინა ივანიშვილის დამსახურებაა. იმ ადამიანებს, რომლებსაც პლაკატები აქვთ აფარებული აქციებზე ისეთი რომელის თქმაც   მიჭირს,  საერთოდ, რის დაცვაზე საუბრობენ. ბოტანიკური ბაღის თემა, არის თითიდან ამოწოვილი. როდესაც ჩვენ ყველა სკვერის და პარკის დამცველები ვიყავით. სად იყო მაშინ ეს ელისაშვილი და ეს ხალხი, ეძინათ ?  სამარცხვინოა, ეს ხალხი არის სამარცხვინო. სამწუხარო ის არის რომ სერიოზული დაფინანსება აქვთ, განსხვავებით სხვა არასამთავროებისგან, რასაც უნდათ იმას აკეთებენ ", - განაცხადა მჟავანაძემ „რეპორტიორში" გამართულ ბრიფინგზე.