„BBC"-ის ცნობით, ექსტრემისტულმა დაჯგუფებამ „ისლამური სახელმწიფო" Android-ის ბაზაზე სმარტფონებისათვის სპეციალური პროგრამა შექმნა, რომელიც ბავშვებს საშუალებას მისცემს, არაბული ენა შეისწავლონ.

„ჯიჰადისტებმა" სიახლის შესახებ სოციალური ქსელების მეშვეობით გაავრცელეს და ასევე, აქტიურად აქვეყნებენ პროგრამის ჩამოსატვირთ ლინკს.

„სქრინშოტების" მიხედვით, თითოეულ ასოს შესაბამისი ილუსტრაცია და სამხედრო თემაზე ხმოვანი სიგნალი მოჰყვება.