საქართველოს პრემიერ-მინისტრ გიორგი კვირიკაშვილის განცხადებით, უახლოეს მომავალში სამთავრობო ცვლილებები არ განხორციელდება, თუმცა, წინასაარჩევნო პერიოდიდან გამომდინარე, მინისტრთა კაბინეტის ხელმძღვანელი ცვლილებებს არ გამორიცხავს.

„გადავდივართ წინასაარჩევნო პერიოდში, ამიტომ ცვლილებები გამორიცხული არ არის, მაგრამ მინდა მივმართო ყველას, რომ მინისტრთა კაბინეტში ხელმძღვანელია პრემიერ­ მინისტრი და მას სრული უფლება აქვს, მინისტრებს ამა თუ იმ განცხადების თაობაზე მიუთითოს. ამ საკითხზე ატეხილი აბსოლუტურად უაზრო ალიაქოთი არის უადგილო და ეს უადგილო განცხადებები არის აზრსმოკლებული. არ გამიკვირდებოდა მსგავსი განცხადებები პოლიტიკური ლიდერებისგან ან პოლიტიკური ოპონენტი პარტიებისგან,

მაგრამ მინისტრთა კაბინეტის წევრებისგან მსგავსი განცხადებები არის მიუღებელი და უადგილო. პრემიერი სრულიად აკონტროლებს ამ სიტუაციას", - განაცხადა კვირიკაშვილმა.