ფილიპინებზე, ფესტივალზე მომხდარი აფეთქების შედეგად სულ მცირე, ერთი ადამიანი დაიღუპა, 34 კი დაშავდა. მათგან რამდენიმეს მდგომარეობა კრიტიკულია.

Reuters-ის ცნობით, ტერაქტი ქვეყნის სამხრეთ ნაწილში, კუდარატის პროვინციაში მოხდა. მოტოციკლზე დამონტაჟებული ხელნაკეთი ასაფეთქებელი მოწყობილობა რესტორანთან ახლოს ამოქმედდა. მომხდარზე პასუხისმგებლობა ჯერჯერობით არცერთ ტერორისტულ დაჯგუფებას არ აუღია.

კუდარატის პროვინციაში ერთდროულად რამდენიმე ექსტრემისტული დაჯგუფება მოქმედებს. ერთი თვის წინ, ამავე პროვინციაში სასაზღვრო გამშვებ პუნქტზე მომხდარი აფეთქების დროს 11 ადამიანი დაიღუპა. მათ შორის, 4 მშვიდობიანი მოქალაქე იყო.