დიდი ბრიტანეთის პრემიერ-მინისტრ ტერეზა მეიზე თავდასხმის მომზადებაში ბრალდებულს სამუდამო პატიმრობა მიუსაჯეს. ამის შესახებ ინფორმაციას BBC-ი ავრცელებს.

როგორც მედიასაშუალება იტყობინება, სასამართლოს გადაწყვეტილებით, ნაიმურ ზაქარია რაჰმანს ვადამდელი გათავისუფლების მოთხოვნის უფლება 30 წლის განმავლობაში არ ექნება.

სასამართლომ დაადგინა, რომ 21 წლის რაჰმანი ლონდონში, დაუნინგ-სტრიტზე პრემიერ-მინისტრის რეზიდენციის ჭიშკრის აფეთქებას გეგმავდა, შემდეგ კი პანიკის დროს ტერეზა მეის მოკვლას აპირებდა.

მამაკაცი საიდუმლო სპეცოპერაციის შედეგად დააკავეს. სპეცოპერაციაში ლონდონის პოლიცია, ბრიტანული დაზვერვა მი-5 და აშშ-ის გამოძიების ფედერალური ბიურო მონაწილეობდა.

ბრალდების ცნობით, რაჰმანი ტერორისტული დაჯგუფება „ისლამური სახელმწიფოს“ მხარდამჭერია.