სომალის დედაქალაქის ცენტრში აფეთქება მოხდა. ამის შესახებ BBC წერს.
დაუზუსტებელი ინფორმაციით, აფეთქება სომალიში მოქმედ ტერორისტულ დაჯგუფებას ალ-შაბაბს უკავშირდება.
პოლიციის ინფორმაციით, ბომბი თვითმკვლელმა ტერორისტმა ააფეთქა.
დაღუპულთა ან დაშავებულთა შესახებ ოფიციალური ინფორმაცია ჯერჯერობით არ გავრცელებულა. სოციალურ ქსელში გავრცელებული ინფორმაციის მიხედვით კი, აფეთქება სკოლასთან ახლოს მოხდა და შენობის ნგრევას ბავშვებიც ემსხვერპლნენ.