საქართველოს პრემიერ-მინისტრი გიორგი კვირიკაშვილი უმრავლესობის წევრ თამაზ მეჭიაურის გაკეთებულ განცხადებებს გამოეხმაურა.

პრემიერმა ჟურნალისტებს ლონდონში განუცხადა, რომ „ქართული ოცნების" ახალ გუნდში არ იქნებიან ადამიანები, რომლებსაც საქართველოს საგარეო პოლიტიკურ ვექტორთან დაკავშირებით ეჭვები აქვთ.

„თუ მე ვიქნები არჩეული „ქართული ოცნების" ახალ ლიდერად, გუნდში არ იქნებიან ადამიანები, რომლებსაც ექნებათ რაიმე ეჭვები საქართველოს საგარეო პოლიტიკურ ვექტორთან მიმართებაში", - განაცხადა გიორგი კვირიკაშვილმა.