„ისლამურმა სახელმწიფომ“ ტერორისტული აქტივობის დასაფინანსებლად კრიპტოვალუტა „ზქაში“ გამოიყენა“, – ამის შესახებ Europol-ის ანგარიშშია ნათქვამი.

ევროკავშირის საპოლიციო სააგენტოს ინფორმაციით, დაეშს კრიპტოვალუტა ევროპის ტერიტორიაზე ტერორისტული თავდასხმების დასაფინანსებლად არ გამოუყენებია.

მსოფლიოში კრიპტოვალუტის პოპულარობის ზრდის პარალელურად, ე.წ. ისლამურმა სახელმწიფომ ვირტუალური ვალუტით საიტების დომენები შეიძინა და სოციალური მედიის პლატფორმები ჩამოტვირთა, რაც რეკრუტირებისთვის, დაფინანსების მოპოვებისთვის და თავდასხმების ორგანიზებისთვის გამოიყენა.

„ზქაში“ დეცენტრალიზებული საგადასახადო სისტემაა, რომელიც გამჭვირვალე გადარიცხვებს უზრუნველყოფს, მაგრამ ასევე გამოიყენება დაფარული შესყიდვებისთვის.