სააპელაციო სასამართლოში „რუსთავი 2"-ის საქმეზე პროცესი მიმდინარეობს. სასამართლო პროცესზე მოსამართლემ ტელეკომპანიის გენერალური დირექტორი ნიკა გვარამია სასამართლოს უპატივცემულობის გამო 500 ლარით დააჯარიმა.

„რუსთავი 2"-ის მხარემ სააპელაციო სასამართლოში მიმდინარე პროცესზე ორი შუამდგომლობა დააყენა - სასამართლო პროცესის გადადება და მოსამართლე ნატა ნაზღაიძის აცილება.

„რუსთავი 2"-ის გენერალური დირექტორის ნიკა გვარამიას მტკიცებით, მოსამართლე ნატა ნაზღაიძე „რუსთავი 2"-ის მხარეს აზრის გამოთქმის თავისუფლებას უზღუდავს.