„რეპორტიორი" ქუჩის გამოკითხვით შეეცადა გაეგო საზოგადოების აზრი, თუ რას ფიქრობენ, რა სახელით შევა „ნაციონალური მოძრაობა" საქართველოს ისტორიაში:

ტრისტან ხალიშვილი: „ნაციონალური მოძრაობა" კარგად რომ არ შევა ისტორიაში, ეს არჩევნებმაც დაადასტურა.

ივანე შარვაშიძე: უარყოფითად შევლენ, სამწუხაროდ.

რეზო ბოჭორიშვილი, პენსიონერი: „ნაციონალები" ისე შევლენ ქვეყნის ისტორიაში, როგორც ქვეყნის დამაქცევრები.

ვასო მაჭარაშვილი, ინჟინერი: ვერ გეტყვით, ისტორიაში „ნაციონალური მოძრაობა" რა სახელით შევა, მაგრამ რა სახელით წავიდა, ეს ყველა იცის. ასე რომ, კარგს ვერაფერს გეტყვით.

ტარიელ ბარათაშვილი: ცხრა წელს თუ გადავხედავთ, იყო კარგიც და ბევრი ცუდიც. დრო განსჯის ალბათ.

ბეჟან შუბითიძე, მწერალი: ნებისმიერ პარტიაში არის დადებითი და უარყოფითი.

ლალი დალაქიშვილი, ფილოლოგი: ჰქონდათ, რა თქმა უნდა, შეცდომები, მაგრამ ძალიან ბევრი კარგიც გააკეთეს „ნაციონალებმა".

ამირან ბალავაძე, პენსიონერი: „ნაციონალური მოძრაობა" ისეთი მოძრაობაა თავისი გამოთქმით, რომ ყოველთვის შევა ისტორიაში.