"ნაციონალური მოძრაობა" და პაატა ბურჭულაძის პარტია საარჩევნო კამპანიას ერთობლივად აწარმოებენ, "- განაცხადა „ქართული ოცნების" აღმასრულებელმა მდივანმა, ირაკლი კობახიძემ გადაცემა 2030-ში.
"ოზურგეთის საკრებულოს შუალედურ არჩევნებში, "ქართული ოცნების" კანდიდატის წინააღმდეგ დეპუტატობის კანდიდატები მათ ერთობლივად შეარჩიეს", - განაცხადა ირაკლი კობახიძემ.
მისი თქმით, დღევანდელი განცხადებით, პაატა ბურჭულაძემ "ნაციონალურ მოძრაობასთან" კავშირი კიდევ უფრო თვალსაჩინო გახადა.
"პაატა ბურჭულაძე "ნაციონალური მოძრაობის" დღის წესრიგს მიჰყვება. ამავე დროს, მას ამ ყველაფრის შენიღბვა სჭირდება და მისი განცხადების წინააღმდეგობრიობა სწორედ ამ ორმაგმა ამოცანამ განაპირობა. საინტერესოა, რას გულისხმობს მტრების დასჯაში პაატა ბურჭულაძე?! გიგი უგულავა, ვანო მერაბიშვილი და წინა ხელისუფლების სხვა წარმომადგენლები, როგორც მტრები, პოლიტიკური ნიშნით არიან დასჯილნი თუ მიაჩნია, რომ ეს ადამიანები სასჯელს სამართლიანად იხდიან?! ", - განაცხადა „ქართული ოცნების" აღმასრულებელმა მდივანმა.
|
პარტნიორები ქარტია ფოტო არქივი |
ბმულები რეკლამა კონტაქტი |
!!! All rights reserved Property of Reportiori |
|
