დეპუტატმა ზურაბ ტყემალაძემ ჟურნალისტებს განუცხადა, რომ სავარაუდოდ დღეს „ქართული ოცნების" ყრილობაზე პოლიტსაბჭოს განახლებული სახეები გახდება ცნობილი.

„ნამდვილად ვაპირებთ ყრილობაზე წასვლას, თუკი პლენარული სხდომა ადრე დასრულდება. „ქართულ ოცნებას" დაანონსებული აქვს, რომ იქნებიან ახალი სახეები, თუმცა არ ვიცი, ეს სახეები დღეს გამოჩნდებიან თუ არა. პოლიტსაბჭოს განახლებული წევრები ეყოლება. ვფიქრობ, რომ „ქართული ოცნება" ჩვეულებრივი შემართებით ყრილობაზე საინტერესო გეგმებსაც წარმოადგენს", - განაცხადა ზურაბ ტყემალაძემ.