საქართველოს ბიზნეს-ასოციაციის აღმასრულებელი დირექტორი ირაკლი ასლანიშვილი ამბობს, რომ მათი წევრი კომპანიების მიმართ  მთავრობის მხრიდან ჩარევა/ზეწოლის პრეცედენტებს ადგილი არ აქვს.

„ბიზნესგარემოს კუთხით ჩვენ რამდენჯერმე ჩავატარეთ კვლევა და შეიძლება ითქვას, რომ ამ კვლევის შედეგები მეტყველებს,  რომ  ბიზნესის თავისუფლების ხარისხი არის ძალიან მაღალი“, - განაცხადა მედიასთან ირაკლი ასლანიშვილმა.

2009 წელს დაფუძნებული ბიზნეს- ასოციაცია დღეს საქართველოს 70-მდე წამყვან კომპანიას აერთიანებს. შეიძლება ითქვას, ასოციაციაში საქართველოს ეკონომიკის 70%-ის კონტრიბუტორი კომპანიებია გაერთიანებული.

ბიზნეს-ასოციაციის წევრები დღეს პრემიერ-მინისტრს ხვდებიან.