საპარლამენტო უმრავლესობის ლიდერი არჩილ თალაკვაძე გადაცემაში „პირისპირ“ სალომე ზურაბიშვილის მიმართ ბრალდებებს გამოეხმაურა.

„სალომე ზურაბიშვილმა თავისი შტაბის გახსნაზე პირდაპირ ეთერში განაცხადა, რომ რუსეთი არის აგრესორი, ომი დაიწყო რუსეთმა და ოკუპაცია არის უკანონო. ეს ის ადამიანია, რომელმაც უშუალო წვლილი შეიტანა საქართველოდან რუსული ბაზების გაყვანაში. ვაშაძეზე ერთი საყვედური გითქვამთ? 2019 წლამდე რუსეთის მოქალაქე რომ გყავდათ მთავრობის წევრად და საფრანგეთის მოქალაქეს და დიპლომატს რომ აკრიტიკებთ“, - განაცხადა არჩილ თალაკვაძემ.