პარლამენტის ვიცე-სპიკერმა მანანა კობახიძემ „ქართული ოცნების" ყრილობის დასრულების შემდეგ ჟურნალისტებს განუცხადა, რომ პარლამენტის თავმჯდომარე დავით უსუფაშვილმა ყრილობაზე დასწრება იმიტომ ვერ შეძლო, რომ ბათუმში გაემგზავრა.

„ვიცი, რომ პარლამენტის თავმჯდომარე ბათუმში გაემგზავრა. სამწუხაროა, რომ ბატონი დავითი ყრილობას ვერ დაესწრო, თუმცა იყო მოწვეული, როგორც ჩვენი სხვა პარტნიორი პარტიის ლიდერები", - განაცხადა მანანა კობახიძემ.