კინორეჟისორი ქეთი დოლიძის განცხადებით, ქვეყანაში წინასაარჩევნო კამპანიის ნაცვლად ერთი ადამიანის წინააღმდეგ მიმართული გეგმაზომიერი კამპანია მიმდინარეობს, რასაც „ნაციონალური მოძრაობა“ აწარმოებს. ამ საკითხზე მან ტელეკომპანია „ობიექტივის“ ეთერში განაცხადა.

„რაც უფრო ნეგატივს გააკეთებენ, მით უკეთესი სალომესითვის. გვარამია, ეს გაპუტული მამალი, რაც უფრო უარესებს იტყვის, უკეთესი, სალომე ამ დროს არის დიდ სიმაღლეზე. სალომე არ პასუხობს, იმიტომ რომ კარგ ოჯახშია გაზრდილი. კარგი ბიოგრაფია აქვს, მისმა ოჯახმა 100 წლის მანძილზე შემოინახა ქართული ენა, აი ამიტომ. ამ ადამიანს აბრალებენ რუსეთუმობას, ისეთი სასაცილო და სამარცხვინოა ეს ამბავი, რომ არ ვიცი. “– განაცხადა ქეთი დოლიძემ.