სიღნაღის ისტორიულ-ეთნოგრაფიულ მუზეუმში დავით მაღრაძის ლექსების ახალი კრებულის „უსადაურო" პრეზენტაცია გაიმართა. კრებულში ბოლო პერიოდში დაწერილი პოეტის ოცდაორი ლექსია თავმოყრილი. საღამოს პოეტის მეგობრები, კულტურის სფეროსა და ადგილობრივი ხელისუფლების წარმომადგენლები დაესწრნენ.

„წინა წელს შეხვედრა მქონდა სიღნაღში და მათი თხოვნა იყო, რომ ჩემი წიგნის პირველი პრეზენტაცია სწორედ იქ გამეკეთებინა. ამიტომაც გუშინ, სიღნაღში ისტორიულ-ეთნოგრაფიულ მუზეუმში მქონდა ჩემი ახალი წიგნის „უსადაუროს" პრეზენტაცია, დარბაზი სავსე იყო, რამაც ძალიან გამახარა . მალე კი  მკითხველს საშუალება ექნება, წიგნის მაღაზიებში შეიძინონ ჩემი ახალი კრებული", - „რეპორტიორთან" სატელეფონო კომენტარისას განაცხადა დავით მაღრაძემ.