საპარლამენტო უმრავლესობის დეპუტატმა ზაქარია ქუცნაშვილმა „ქართული ოცნება - დემოკრატიული საქართველოს" ყრილობის შემდეგ განაცხადა, რომ დღეს პარტიას უკვე ჰყავს ლეგიტიმური ხელმძღვანელი და აქედან გამომდინარე, საარჩევნო სიის ფორმირების პროცესი დაიწყება.

„დღეს უკვე გვყავს ლეგიტიმური თანამდებობის პირი, რომელსაც ევალება, დაიწყოს ამ თემაზე მუშაობა. აქედან გამომდინარე, სტარტი მიეცა საარჩევნო სიის ფორმირების პროცესს და ამ თვის ბოლომდე, დარწმუნებული ვარ, მაჟორიტარი კანდიდატების აბსოლუტური უმრავლესობა, საზოგადოებისთვის ცნობილი იქნება", - განაცხადა ზაქარია ქუცნაშვილმა.