საფეხბურთო კლუბ Paris St-Germain-ის თავდამსხმელს, ზლატან იბრაჰიმოვიჩს, ზაფხულში ფრანგულ კლუბთან კონტრაქტი ეწურება.

როგორც 34 წლის ფეხბურთელმა განაცხადა, ის 14 მაისს უკანასკნელ მატჩს ჩაატარებს PSG-ს რიგებში.

საკუთარ „ტვიტერის" გვერდზე იბრაჰიმოვიჩმა დაწერა - „მოვედი როგორც მეფე და მივდივარ როგორც ლეგენდა."

თავის მხრივ, ფრანგულმა საფეხბურთო კლუბმა აღნიშნა, რომ „იბრაჰიმოვიჩი კლუბს ტოვებს, როგორც უდიდესი თავდამსხმელი  და ერთ-ერთი საუკეთესო მოთამაშე კლუბის ისტორიაში."

ფრანგული კლუბის რიგებში იბრაჰიმოვიჩმა 178 მატჩი ჩაატარა და 152 გოლი გაიატანა.

მედიაში შვედი თავდამსხმელის მომავალ სავარაუდო კლუბებს ასახელებენ: Manchester United, Los Angeles Galaxy და AC Milan.