საპარტნიორო ფონდი ქმნის სპეციალურ შვილობილ კომპანიას - სტარტაპ ფონდს, ფონდი შექმნის ახალ ერთობლივ კომპანიას (სტარტაპს) პროგრამის თითოეულ ბენეფიციართან, რომელშიც კაპიტალის სახით შეიტანს 15 000 ლარიდან 100 000 ლარამდე ოდენობის თანხას.

►იდეის ავტორის თანადაფინანსება იქნება მინიმუმ 10%, იდეა კი შეფასდება 40%-იან წილად. შესაბამისად ბენეფიციარი გახდება სულ მცირე 50%-იანი წილის მფლობელი სტარტაპ კომპანიაში

►შემდგომში ბენეფიციარს მიეცემა შესაძლებლობა გამოისყიდოს ფონდის წილი შეღავათიანი პირობებით ან მოიძიოს სხვა ინვესტორები

►უნიკალური ინოვაციური იდეის შემთხვევაში ბენეფიციარს აღარ მოეთხოვება პროექტის თანადაფინანსება და მისი წილი კომპანიებში იქნება 95% , ხოლო ფონდის მხრიდან პროექტი 100 ათას ლარამდე დაფინანსდება

►დამწყები ბიზნესმენი და ასევე ინოვაციური და ტექნოლოგიური ბიზნესი მიიღებს დაფინანსებას პირადი ქონებით უზრუნველყოფისა და გირაოს გარეშე, უზრუნველყოფა შემოიფარგლება მხოლოდ პროექტის ფარგლებში შექმნილი აქტივებით

►ინოვაციების და ტექნოლოგიების სააგენტო უზრუნველყოფს ტრეინინგებს, კოაჩინგს, მენტორინგს, საკონსულტაციო მომსახურებას პროგრამის ყველა ბენეფიციარისთვის

►პროექტების შერჩევა მოხდება კონკურსის წესით. პროგრამაში მონაწილეობა შეეძლება საქართველოს ნებისმიერ მოქალაქე პირს ან პირთა ჯგუფს

►პირველად ხდება საქართველოში ინოვაციური იდეების დაფინანსების ინსტიტუციონალიზაცია

►პროგრამის ფრონტ-ოფისი განლაგდება ტექნოპარკის შენობაში

►პროგრამისთვის გამოიყოფა 11 მლნ ლარი, ხოლო შემდეგ ბიუჯეტი გაიზრდება 35 მლნ ლარამდე

►პროგრამა ფუნქიონირებას 1 თვეში დაიწყებს  ქვეყნის სწრაფი განვითარებისთვის!