საქართველოს მტავრობის ადმინისტრაციის ინფორმაციით, 2016 წელს გაიზარდა სახელმწიფოს მხრიდან თანადაფინანსების ოდენობა:

• ვაზზე - 40%-ის ნაცვლად გახდა 50%
• პროგრამით გათვალისწინებულ ყველა სხვა კულტურაზე 60%-ის ნაცვლად გახდა 70%
• რეგისტრირებული მიწის დაზღვევისას ბენეფიციარი თანადაფინანსების სახით, 10%-ით მეტს მიიღებს და აგროდაზღვევის გადასახადი 70%-ით სახელმწიფოს მხრიდან დაუფინანსდება

► 2014- 2015 წლებში აგროდაზღვევის პროგრამის ფარგლებში

• გაცემულია 28 690 პოლისი
• დაზღვეული ფართობი შეადგენს 23 667 ჰა
• 2 წლის განმავლობაში ფერმერებმა 13 770 000 ლარის ოდენობის ზარალის ანაზღაურება მიიღეს

► სახელმწიფო პროგრამის ფარგლებში ფერმერებს საშუალება ეძლევათ დააზღვიონ მოსავალი სეტყვაზე, ჭარბ ნალექზე, ქარიშხალზე, საშემოდგომო ყინვაზე.

► პროგრამის მიზანი აგროსექტორში სადაზღვევო ბაზრის განვითარება და სასოფლო-სამეურნეო საქმიანობის ხელშეწყობაა.

► აგროდაზღვევის სახელმწიფო პროგრამა 2014 წელს დაიწყო და მასში 5 სადაზღვევო კომპანიაა - ალდაგი, ჯი პი აი ჰოლდინგი, აი სი ჯგუფი, არდი ჯგუფი, უნისონი - ჩართული.

► აგროდაზღვევის პროექტის ბიუჯეტი 10 მილიონ ლარს შეადგენს.