„თუ გავითვალისწინებთ 2008 წლის მოვლენებს, რაში გამოიხატა, ჩვენი პარტნიორების დახმარება, კარგად გვახსოვს. არ შეიძლება, რომ პამპერსების იმედზე ვიყოთ ომის დროს. თუმცა, პამპერსი შეიძლება მაშინ ჭირდებოდა სააკაშვილს. ჯობდა ერთი ორი დიდი პამპერსი გამოეგზავნათ მისთვის",- ამის შესახებ "აიპრესთან" საპარლამენტო უმრავლესობის წევრმა, თამაზ მეჭიაურმა განაცხადა.

მისი თქმით, საქართველოს თავდაცვის მინისტრი არასწორ და უცნაურ გადაწყვეტილებებს იღებს, რომლის შედეგად შესაძლოა, საქართველო ისევ გაეხვეს ომის ქარცეცხლში.

მეჭიაური ეწინააღმდეგება საქართველოში წარმოებულ ქართულ-ამერიკულ სამხედრო წვრთნებს და აცხადებს, რომ თავდაცვის მინისტრის მხრიდან ეს არაადეკვატური გადაწყვეტილებაა.

„ეს ქალბატონი არადეკვატურია საერთოდ. აკეთებს რაღაც არაადეკვატურ განცხადებებს. იღებს უცნაურ გადაწყვეტილებებს. მაგალითად, მე არ მეგონა, რომ ამ სწავლებების დრო იყო ახლა მით უმეტს ამ ფონზე, როდესაც ჩვენ ირგვლივ ყველა საომარ მოქმედებებშია ჩართული. დაპირისპრება ნატოსა და რუსეთს შორის კულმინაცას აღწევს და ამ შემთხევვაში ნებისმიერი გადაადგილება ამ ტერიტორიაზე შეიძლება გამოყენებულ იქნეს ჩვენი ოკუპანტი ქვეყნის, რუსეთის, მიერ თუნდაც დამატებითი ძალების შემოსაყვანად. მაგრამ ეს დამატებითი ძალები ციდან ხოარ ჩამოფრინდებიან. რომელიმე კონფლიქტური რეგიონიდან უნდა გადმოიყვანონ.

გამომდინარე აქედან, ეს დაძაბულობის მუხტი ჩვენს ტერიტორიაზეც გადმოდის. აქ თუ მოხდა ღმერთმა დაიფაროს და რაიმე პატარა ინციდენტიც კი, რომელიც შეიძლება პროვოცირებული იყოს რომელიმე მხრიდან და საქართველო გაეხვეს, ომის ქარცეცხლში რა შედეგებამდეც მივალთ ეს ძნელი წარმოსადგენი არ არის."- განაცხადა მეჭიაურმა.