კულტურის პალატის პრეზიდენტის  დავით ოქიტაშვილის განცხადებით, ის "ქართული ოცნების" ყრილობას აუცილებლად დაესწრება.

როგორც "ინტერპრესნიუსს" კულტურის პალატიდან აცნობეს, ოქიტაშვილის განმარტებით, კულტურის პალატის ჯგუფი აქტიურად არის ჩართული ყრილობის საორგანიზაციო საკითხებში.

მისი თქმით, ერთ-ერთი რაც ამ 4 წლის განმავლობაში არ ყოფილა, ეს არის ზეწოლა ჟურნალისტებზე და ძალადობა ადამიანებზე.

„ამ გუნდმა ქვეყანა იხსნა პოლიციური რეჟიმისგან და მედია ხელისუფლების წნეხისგან. ეს არც ისეთი ცოტაა 3 წლისთვის, ველოდები კიდევ უფრო მეტ რეფორმას და ვფიქრობ, ეს იქნება ძალა, რომელიც ქვეყანას გაწონასწორებული ნაბიჯებით გაიყვანს სამშვიდობოზე. სწორედ ამიტომ, ვესწრები ყრილობას და მაინტერესებს რა ხედვები აქვთ გუნდის ახალ ლიდერებს, რა პრიორიტეტები ექნება ჩვენს ქვეყნას მომავალი ოთხი წლის განმავლობაში", - აცხადებს დავით ოქიტაშვილი.

მისივე თქმით, „ქართული ოცნება"  4 წლის წინ სულ სხვა გამოწვევების წინაშე იდგა, დღეს კი ქვეყანაში სხვა რეალობაა.

„მართალია დღესაც არის პრობლემები, მაგრამ ფაქტია, რომ 2012 წელს ეს გუნდი რადიკალურად განსხვავებული გამოცდის წინაშე იდგა, რომელთაც უმძიმესი მემკვიდრეობა ერგოთ წინა ხელისუფლებისგან. მთავარი ამოცანა იყო ,,ქართულ ოცნებას" ბიძინა ივანიშვილის თაოსნობით დაემარცხებინა ძალადობრივი რეჟიმი და ამ მიზნის მისაღწევად მაშინ მთელი ქართული პოლიტიკური სპექტრი გაერთიანდა. დღეს უკვე „ქართულ ოცნებას" ეძლევა შესაძლებლობა მეტი ყურადღება დაუთმოს ქვეყნის ეკონომიკურ განვითარებას, განათლებას, კულტურას და ა.შ. ამ ამოცანების შესასრულებლად ცხადია, პოლიტიკურ გუნდს განახლება, ახალი სახეები და ხედვები სჭირდება. იმედი მაქვს, მათ რიგებში მრავალ ახალგაზრდა პროფესიონალ სახეებს ვიხილაც", - აცხადებს ოქიტაშვილი.

წყარო :