„გუშინ „ნაცმოძრაობის" პროპაგანდის დეპარტამენტმა „რუსთავი 2"-მა, „ქართული ოცნების" პოლიტსაბჭოს ახალი წევრი კაკი ზოიძე „წაკბინა", - წერს პოლიტოლოგი თედო ისაკაძე სოციალურ ქსელში.

„გუშინ, „ნაცმოძრაობის" პროპაგანდის დეპარტამენტმა „რუსთავი 2"-მა, „ქართული ოცნების" პოლიტსაბჭოს ახალი წევრი კაკი ზოიძე „წაკბინა" - შევარდნაძის ხელისუფლების მაღალჩინოსანი იყოო. თითქოს მათი პარტიის თავმჯდომარე და ლიდერები იმავე მთავრობის მაღალჩინოსნები არ ყოფილიყვნენ! ის კი აღარ უხსენებიათ, რომ კაკი ზოიძე დღეს მსოფლიო ჯანდაცვის ორგანიზაციის წამყვანი ექსპერტია და განვითარებადი ქვეყნების ჯანდაცვის რეფორმებს ხელმძღვანელობს წარმატებით და როგორც იმავე მთავრობის წევრმა დავით იკაობიძემ თავის პოსტში აღნიშნა - ერთი კაკი ზოიძე გადაწონის მთლიანად ზოგიერთ პარტიას. იქვე „რუსთავი 2"-მა ინაგლა, რომ კაკი ზოიძე იმავე სიმღერის ფონზე დაბრუნდა პოლიტიკაში, რისი თანხლებითაც წავიდაო (იგულისხმება ჯანსუღ ჩარკვიანის ლექსზე შექმნილი ცნობილი სიმღერა, „ვარდების რევოლუციისას" რომ ააჟღერეს ნაცებმა პარლამენტში). ალბათ, ამ ტელევიზიის ხელმძღვანელობა უკვე მიხვდა, რომ ეს ფრაზა უმალ კონტრპროდუქტიულად იქცა - უნდოდათ სათავისოდ, სააკაკიზოიძეოდ კი გამოუვიდათ: დიახ, „თავისუფლება ისე არ მოდის, თავისუფლება ლომთა ხვედრია!" წარმატებები, კაკი!" - წერს თედო ისაკაძე „facebook"-გვერდზე.