„BBC"-ის ცნობით, კოლუმბიის პოლიციამ ჩხრეკის შედეგად 8 ტონა კოკაინი ამოიღო. ეს არის ნარკოტიკების ერთ-ერთი ყველაზე დიდი პარტია, რომელიც სამართალდამცველებმა ბოლო 10 წლის განმავლობაში ამოიღეს.

პოლიციის ცნობით, კოკაინის პარტია ერთ-ერთ ადგილობრივ კრიმინალურ დაჯგუფებას ეკუთვნოდა.

კოლუმბიის თავდაცვის მინისტრის ლუის კარლოს ვეგასის განცხადებით, ქვეყნის ყველა ძალოვანი სტრუქტურა, მათ შორის არმია, დანაშაულებრივ დაჯგუფებებთან ბრძოლაში ჩაერთვება.