უკრაინის პრეზიდენტმა პეტრო პოროშენკომ და მსოფლიო პატრიარქმა ბართლომე I-მა უკრაინული ეკლესიის შექმნის შესახებ შეთანხმებას მოაწერეს ხელი.

„დღეს ისტორიული დღეა. უკრაინელები ღმერთს სთხოვდნენ, მათთვის ერთიანი მართლმადიდებელი, ავტოკეფალიური ეკლესია მიეცა. შეთანხმება, რომელიც დღეს გავაფორმეთ, ასრულებს უკრაინაში მართლმადიდებელი ეკლესიის შექმნის პროცესს და ქმნის ყველა პირობას იმისთვის, რომ ავტოკეფალიის მინიჭება მოხდეს მართლმადიდებელი ეკლესიის კანონების სრული დაცვით“, - განაცხადა პეტრო პოროშენკომ.