„თუ „ნაციონალურ მოძრაობასთან" ერთად აპირებენ მომავალში რაიმე ფორმით ყოფნას, პაატა ბურჭულაძის პარტიას,  რა თქმა უნდა, პერსპექტივა არ აქვს" , - ამ სიტყვებით შეაფასა პაატა ბურჭულაძის პოლიტიკაში მოსვლა პარლამენტის დეპუტატმა ანა მიროტაძემ  „რეპორტიორის"  პრესკლუბში გამართულ ბრიფინგზე. მიროტაძემ ასევე აღნიშნა, რომ საინტერესოა, რას იტყვის, თავად პაატა ბურჭულაძე, არის თუ არა მზად, სამომავლო გეგმები ჰქონდეს „ნაციონალური მოძრაობის" სისხლიან რეჟიმთან.

„ძალიან საინტერესოა, რას იტყვის პაატა ბურჭულაძე, არის თუ არა მზად, გარკვეული კოსულტაციები ან სამომავლო გეგმები ჰქონდეს „ნაციონალური მოძრაობის" სისხლიან რეჟიმთან, ეს იქნება ძალიან საინტერესო. ყველა ადამიანს აქვს უფლება და შესაძლებლობა, თუ ხედავს საკუთარ თავში იმის ძალას, რომ ამ ქვეყნისთვის რაიმე პოზიტიური გააკეთოს, ამ პროცესში ჩაერთოს. თუმცა პოლიტიკაში ყოფნა არის ძალიან რთული გზა, ეს არის ძალიან გრძელვადიანი მარათონი" , - განაცხადა მიროტაძემ.