თბილისში, ვარკეთილში გაზით ინტოქსიკაციის შედეგად 9 წლის ბავშვი დაიღუპა. ამის შესახებ პირველ არხს შინაგან საქმეთა სამინისტროს პრესსამსახურში განუცხადეს.

შსს-ში აცხადებენ, რომ ბავშვის მშობლებიც მოიწამლნენ და ისინი საავადმყოფოში არიან გადაყვანილი.

მომხდარ ფაქტს შს სამინისტრო სსკ-ის 2401 მუხლით იძიებს, რაც ელექტრო ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევას გულისხმობს.