ბიზნესმენ ლევან ვასაძის განცხადებით, სასიხარულოა, რომ მონაწილეობას იღებს უწმინდესის მიერ დაარსებული დღის აღნიშვნაში.

„მთელი მსოფლიოდან 200-ზე მეტი სტუმარი უერთდება საქართველოში ოჯახური კულტურის მხარდამჭერ აქციას", - განაცხადა ვასაძემ.

ოჯახის სიწმინდის დღესთან დაკავშირებით ვარდების მოედნიდან აწყურის ღვთისმშობლის ხატით მსვლელობა მიმდინარეობს.

აწყურის ღვთისმშობლის ხატი თბილისში მცხეთიდან მსვლელობით შემოაბრძანეს.

მსვლელობაში რამდენიმე ათეული სასულიერო პირი, ასევე სხვადასხვა ტაძრების მრევლი მონაწილეობს. მსვლელობას საეკლესიო ბაირაღებით წინ მიუძღვიან სტიქაროსნები, რომლებიც მოძრაობა „დავითიანნის" წევრები არიან.