„საზოგადოებრივი მაუწყებლის" თანამშრომელთა მოთხოვნების შესახებ ინფორმაცია ჰქონდა ბორდის ხელმძღვანელს.

ახალი და მიმდინარე ამბების ბლოკის ხელმძღვანელმა გიორგი გვიმრაძემ „კურიერთან" საუბარში დაადასტურა. თუმცა, რატომ არ მოხდა რეაგირება, ამასთან დაკავშირებით ის არ საუბრობს.

„ჩვენ რეორგანიზაციის პროცესში ვართ და უნდა გადაიხედოს ყველაფერი, მათ შორის თანამშრომელთა რაოდენობა. ვიღაცეებს შესაძლოა მოემატოს ხელფასი, ვიღაცეები შესაძლოა დაემშვიდობონ სამსახურს", - განაცხადა გიორგი გვიმრაძემ.

„საზოგადოებრივი მაუწყებლის" თანამშრომელთა ნაწილმა დღეს აქცია-ბრიფინგი გამართა. ისინი ხელფასების ზრდას და სამუშაო პირობების გაუმჯობესებას ითხოვენ.

ადმინისტრაციას ისინი 21-დღიან ვადას აძლევენ მოთხოვნების დასაკმაყოფილებლად, წინააღმდეგ შემთხვევაში გაფიცვით იმუქრებიან.