„დაპაუზებულია არა აჭარა, არამედ თქვენი პოლიტიკური წამზომი“, – ასე მიმართა დღეს აჭარის მთავრობის თავმჯდომარემ, თორნიკე რიჟვაძემ პოლიტიკურ ოპონენტებს.

მისი თქმით, ოპონენტები ცრუ განცხადებებს აკეთებენ, თითქოს აჭარა არ ვითარდება, გაზიფიცირების პროექტი კი - იმის დასტურია, რომ აჭარა ვითარდება.

„დღევანდელი დღე არის ჩვენი ზუსტი პასუხი იმ ადამიანებს, ვინც ამბობს, რომ აჭარა გაჩერდა ან დაპაუზებულია. დაპაუზებულია მათი პოლიტიკური წამზომი. ჩვენ ასე შევძლებთ, ვუპასუხოთ მათ ქილიკს”, - განაცხადა თორნიკე რიჟვაძემ შუახევში, მთიანი აჭარის გაზიფიცირების პირველი ეტაპის დასრულების საზეიმო ცერემონიაზე სიტყვით გამოსვლისას.